| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. бхад̣̇д̣̇ияасуд̇д̇аван̣н̣анаа
10. Bhaddiyasuttavaṇṇanā
20. д̣̇асамз анубияааяанд̇и звам̣ наамагз наг̇арз. амб̣аванзд̇и д̇асса наг̇арасса авид̣̇уурз малларааж̇уунам̣ згам̣ амб̣аванам̣ ахоси, д̇ад̇т̇а малларааж̇уухи бхаг̇авад̇о вихааро гаарид̇о, со ‘‘амб̣авана’’нд̇взва вужжад̇и. анубияам̣ г̇ожараг̇аамам̣ гад̇ваа д̇ад̇т̇а бхаг̇аваа вихарад̇и, д̇зна вуд̇д̇ам̣ ‘‘анубияааяам̣ вихарад̇и амб̣аванз’’д̇и. бхад̣̇д̣̇ияод̇и д̇асса т̇зрасса наамам̣. гаал̣ийг̇од̇хааяа буд̇д̇од̇и гаал̣ийг̇од̇хаа наама саагияааний сагяарааж̇ад̣̇звий арияасаавигаа ааг̇ад̇апалаа вин̃н̃аад̇асаасанаа, д̇ассаа аяам̣ буд̇д̇о. д̇асса баб̣б̣аж̇ж̇аавид̇хи канд̇хагз (жуул̣ава. 330-331) ааг̇ад̇ова. со баб̣б̣аж̇ид̇ваа вибассанам̣ бадтабзд̇ваа на жирассзва чал̣абхин̃н̃о ахоси, д̇зрасаби д̇худ̇ан̇г̇аани самаад̣̇ааяа вад̇д̇ад̇и. бхаг̇авад̇аа жа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ужжагулигаанам̣, яад̣̇ид̣̇ам̣ бхад̣̇д̣̇ияо гаал̣ийг̇од̇хааяа буд̇д̇о’’д̇и (а. ни. 1.193) ужжагулигабхаавз зд̇ад̣̇аг̇г̇з табид̇о асийд̇ияаа саавагаанам̣ аб̣бханд̇аро.
20. Dasame anupiyāyanti evaṃ nāmake nagare. Ambavaneti tassa nagarassa avidūre mallarājūnaṃ ekaṃ ambavanaṃ ahosi, tattha mallarājūhi bhagavato vihāro kārito, so ‘‘ambavana’’ntveva vuccati. Anupiyaṃ gocaragāmaṃ katvā tattha bhagavā viharati, tena vuttaṃ ‘‘anupiyāyaṃ viharati ambavane’’ti. Bhaddiyoti tassa therassa nāmaṃ. Kāḷīgodhāya puttoti kāḷīgodhā nāma sākiyānī sakyarājadevī ariyasāvikā āgataphalā viññātasāsanā, tassā ayaṃ putto. Tassa pabbajjāvidhi khandhake (cūḷava. 330-331) āgatova. So pabbajitvā vipassanaṃ paṭṭhapetvā na cirasseva chaḷabhiñño ahosi, terasapi dhutaṅgāni samādāya vattati. Bhagavatā ca ‘‘etadaggaṃ, bhikkhave, mama sāvakānaṃ bhikkhūnaṃ uccakulikānaṃ, yadidaṃ bhaddiyo kāḷīgodhāya putto’’ti (a. ni. 1.193) uccakulikabhāve etadagge ṭhapito asītiyā sāvakānaṃ abbhantaro.
сун̃н̃ааг̇аараг̇ад̇од̇и ‘‘табзд̇ваа г̇ааман̃жа г̇аамуубажааран̃жа авасзсам̣ аран̃н̃а’’нд̇и вуд̇д̇ам̣ аран̃н̃ам̣ ругкамуулан̃жа табзд̇ваа ан̃н̃ам̣ баб̣б̣ад̇аганд̣̇араад̣̇и баб̣б̣аж̇ид̇асааруббам̣ ниваасадтаанам̣ ж̇анасамб̣аад̇хаабхаавад̇о ид̇ха сун̃н̃ааг̇ааранд̇и ад̇хиббзд̇ам̣. ат̇а ваа жхаанаган̣дагаанам̣ сад̣̇д̣̇аанам̣ абхаавад̇о вивид̇д̇ам̣ яам̣ гин̃жи аг̇аарамби сун̃н̃ааг̇ааранд̇и взд̣̇ид̇аб̣б̣ам̣. д̇ам̣ сун̃н̃ааг̇аарам̣ убаг̇ад̇о. абхигкан̣анд̇и б̣ахулам̣. уд̣̇аанам̣ уд̣̇аанзсийд̇и со хи ааяасмаа аран̃н̃з д̣̇иваавихаарам̣ убаг̇ад̇оби рад̇д̇иваасуубаг̇ад̇оби язбхуяязна паласамаабад̇д̇исукзна нирод̇хасукзна жа вийд̇инаамзд̇и, д̇асмаа д̇ам̣ сукам̣ санд̇хааяа буб̣б̣з ад̇д̇анаа анубхууд̇ам̣ сабхаяам̣ сабарил̣аахам̣ раж̇ж̇асукам̣ ж̇иг̇ужчид̇ваа ‘‘ахо сукам̣ ахо сука’’нд̇и соманассасахид̇ам̣ н̃аан̣асамудтаанам̣ бийд̇исамудтаанам̣ самуг̇г̇ирад̇и.
Suññāgāragatoti ‘‘ṭhapetvā gāmañca gāmūpacārañca avasesaṃ arañña’’nti vuttaṃ araññaṃ rukkhamūlañca ṭhapetvā aññaṃ pabbatakandarādi pabbajitasāruppaṃ nivāsaṭṭhānaṃ janasambādhābhāvato idha suññāgāranti adhippetaṃ. Atha vā jhānakaṇṭakānaṃ saddānaṃ abhāvato vivittaṃ yaṃ kiñci agārampi suññāgāranti veditabbaṃ. Taṃ suññāgāraṃ upagato. Abhikkhaṇanti bahulaṃ. Udānaṃ udānesīti so hi āyasmā araññe divāvihāraṃ upagatopi rattivāsūpagatopi yebhuyyena phalasamāpattisukhena nirodhasukhena ca vītināmeti, tasmā taṃ sukhaṃ sandhāya pubbe attanā anubhūtaṃ sabhayaṃ sapariḷāhaṃ rajjasukhaṃ jigucchitvā ‘‘aho sukhaṃ aho sukha’’nti somanassasahitaṃ ñāṇasamuṭṭhānaṃ pītisamuṭṭhānaṃ samuggirati.
суд̇ваана нзсам̣ зд̇ад̣̇ахосийд̇и нзсам̣ самб̣ахулаанам̣ бхигкуунам̣ д̇асса ааяасмад̇о ‘‘ахо сукам̣, ахо сука’’нд̇и уд̣̇аанзнд̇асса уд̣̇аанам̣ суд̇ваа ‘‘ниссам̣саяам̣ зса анабхирад̇о б̣рахмажарияам̣ жарад̇ий’’д̇и звам̣ баривид̇аггид̇ам̣ ахоси. д̇з бхигкуу бут̇уж̇ж̇анаа д̇асса ааяасмад̇о вивзгасукам̣ санд̇хааяа уд̣̇аанам̣ аж̇аананд̇аа звам̣ аман̃н̃им̣су, д̇зна вуд̇д̇ам̣ ‘‘ниссам̣саяа’’нд̇иаад̣̇и. д̇ад̇т̇а ниссам̣саяанд̇и асанд̣̇зхзна зганд̇знаад̇и ад̇т̇о. ‘‘яам̣ со буб̣б̣з аг̇аарияабхууд̇о самаано’’д̇и баал̣им̣ вад̇ваа ‘‘анубхавий’’д̇и важанасзсзна гзжи ад̇т̇ам̣ ван̣н̣знд̇и, абарз ‘‘яам̣ саа’’д̇и батанд̇и, ‘‘яам̣са буб̣б̣з аг̇аарияабхууд̇ассаа’’д̇и бана баал̣и. д̇ад̇т̇а яам̣саад̇и яам̣ асса, санд̇хивасзна хи агаарасагааралобо ‘‘звам̣са д̇з (ма. ни. 1.23; а. ни. 6.58), бубпам̣саа уббаж̇ж̇ий’’д̇иаад̣̇ийсу (баараа. 36) вияа. д̇ассад̇т̇о – асса ааяасмад̇о бхад̣̇д̣̇ияасса баб̣б̣аж̇ид̇ад̇о буб̣б̣з аг̇аарияабхууд̇асса г̇ахадтасса сад̇о яам̣ раж̇ж̇асукам̣ анубхууд̇ам̣. саа д̇амануссарамаанод̇и со д̇ам̣ сукам̣ зд̇арахи угган̣танавасзна ануссаранд̇о.
Sutvāna nesaṃ etadahosīti nesaṃ sambahulānaṃ bhikkhūnaṃ tassa āyasmato ‘‘aho sukhaṃ, aho sukha’’nti udānentassa udānaṃ sutvā ‘‘nissaṃsayaṃ esa anabhirato brahmacariyaṃ caratī’’ti evaṃ parivitakkitaṃ ahosi. Te bhikkhū puthujjanā tassa āyasmato vivekasukhaṃ sandhāya udānaṃ ajānantā evaṃ amaññiṃsu, tena vuttaṃ ‘‘nissaṃsaya’’ntiādi. Tattha nissaṃsayanti asandehena ekantenāti attho. ‘‘Yaṃ so pubbe agāriyabhūto samāno’’ti pāḷiṃ vatvā ‘‘anubhavī’’ti vacanasesena keci atthaṃ vaṇṇenti, apare ‘‘yaṃ sā’’ti paṭhanti, ‘‘yaṃsa pubbe agāriyabhūtassā’’ti pana pāḷi. Tattha yaṃsāti yaṃ assa, sandhivasena hi akārasakāralopo ‘‘evaṃsa te (ma. ni. 1.23; a. ni. 6.58), pupphaṃsā uppajjī’’tiādīsu (pārā. 36) viya. Tassattho – assa āyasmato bhaddiyassa pabbajitato pubbe agāriyabhūtassa gahaṭṭhassa sato yaṃ rajjasukhaṃ anubhūtaṃ. Sā tamanussaramānoti so taṃ sukhaṃ etarahi ukkaṇṭhanavasena anussaranto.
д̇з бхигкуу бхаг̇аванд̇ам̣ зд̇ад̣̇авожунд̇и д̇з самб̣ахулаа бхигкуу уллабанасабхаавасан̣тид̇аа д̇асса ануг̇г̇ахан̣аад̇хиббааязна бхаг̇аванд̇ам̣ зд̇ад̣̇авожум̣, на уж̇жхаанавасзна. ан̃н̃ад̇аранд̇и наамаг̇од̇д̇зна абаагадам̣ згам̣ бхигкум̣. ааманд̇зсийд̇и аан̣аабзси д̇з бхигкуу сан̃н̃аабзд̇угаамо. званд̇и важанасамбадиг̇г̇ахз, саад̇хууд̇и ад̇т̇о. буна званд̇и бадин̃н̃ааяа. абхигкан̣ам̣ ‘‘ахо сукам̣, ахо сука’’нд̇и имам̣ уд̣̇аанам̣ уд̣̇аанзсийд̇и яат̇аа д̇з бхигкуу вад̣̇анд̇и, д̇ам̣ звам̣ д̇ат̇зваад̇и ад̇д̇ано уд̣̇аанам̣ бадиж̇аанаад̇и. гим̣ бана д̇вам̣ бхад̣̇д̣̇ияаад̇и гасмаа бхаг̇аваа бужчад̇и, гим̣ д̇асса жид̇д̇ам̣ на ж̇аанаад̇ийд̇и ? но на ж̇аанаад̇и, д̇знзва бана д̇амад̇т̇ам̣ вад̣̇аабзд̇ваа д̇з бхигкуу сан̃н̃аабзд̇ум̣ бужчад̇и. вуд̇д̇ан̃хзд̇ам̣ – ‘‘ж̇аананд̇ааби д̇ат̇ааг̇ад̇аа бужчанд̇и, ж̇аананд̇ааби на бужчанд̇ий’’д̇иаад̣̇и. ад̇т̇авасанд̇и гааран̣ам̣.
Te bhikkhū bhagavantaṃ etadavocunti te sambahulā bhikkhū ullapanasabhāvasaṇṭhitā tassa anuggahaṇādhippāyena bhagavantaṃ etadavocuṃ, na ujjhānavasena. Aññataranti nāmagottena apākaṭaṃ ekaṃ bhikkhuṃ. Āmantesīti āṇāpesi te bhikkhū saññāpetukāmo. Evanti vacanasampaṭiggahe, sādhūti attho. Puna evanti paṭiññāya. Abhikkhaṇaṃ ‘‘aho sukhaṃ, aho sukha’’nti imaṃ udānaṃ udānesīti yathā te bhikkhū vadanti, taṃ evaṃ tathevāti attano udānaṃ paṭijānāti. Kiṃ pana tvaṃ bhaddiyāti kasmā bhagavā pucchati, kiṃ tassa cittaṃ na jānātīti ? No na jānāti, teneva pana tamatthaṃ vadāpetvā te bhikkhū saññāpetuṃ pucchati. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi. Atthavasanti kāraṇaṃ.
анд̇збурзд̇и ид̇т̇ааг̇аарасса сан̃жаран̣адтаанабхууд̇з рааж̇аг̇зхасса аб̣бханд̇арз, яад̇т̇а рааж̇аа нхаанабхож̇анасаяанаад̣̇им̣ габбзд̇и. рагкаа сусам̣вихид̇аад̇и аарагкаад̣̇игад̇абурисзхи г̇уд̇д̇и судту саманд̇ад̇о вихид̇аа. б̣ахиби анд̇збурзд̇и ад̣д̣агаран̣адтаанаад̣̇игз анд̇збурад̇о б̣ахибхууд̇з рааж̇аг̇зхз. звам̣ рагкид̇о г̇обид̇о санд̇од̇и звам̣ рааж̇аг̇зхарааж̇ад̇хаанираж̇ж̇ад̣̇зсзсу анд̇о жа б̣ахи жа анзгзсу таанзсу анзгасад̇зхи сусам̣вихид̇арагкааваран̣аг̇уд̇д̇ияаа мамзва ниб̣бхаяад̇т̇ам̣ паасувихаарад̇т̇ам̣ рагкид̇о г̇обид̇о самаано. бхийд̇од̇иаад̣̇ийни бад̣̇аани ан̃н̃аман̃н̃авзважанаани. ат̇а ваа бхийд̇од̇и барарааж̇уухи бхааяамаано. уб̣б̣иг̇г̇од̇и сагараж̇ж̇зби багад̇ид̇о уббаж̇ж̇анагабхаяуб̣б̣зг̇зна уб̣б̣иг̇г̇о жалид̇о. уссан̇гийд̇и ‘‘ран̃н̃аа наама саб̣б̣агаалам̣ ависсад̇т̇зна бхавид̇аб̣б̣а’’нд̇и важанзна саб̣б̣ад̇т̇а ависсаасавасзна д̇зсам̣ д̇зсам̣ гижжагаран̣ийяаанам̣ бажжаяабарисан̇гааяа жа уд̣̇д̇хамукам̣ сан̇гамаано. уд̇раасийд̇и ‘‘санд̇игааважарзхиби аж̇аананд̇ассзва мз гад̣̇аажи анад̇т̇о бхавзяяаа’’д̇и уббаннзна сарийрагамбам̣ уббаад̣̇анасамад̇т̇зна д̇аасзна уд̇раасий. ‘‘уд̇расд̇о’’д̇иби батанд̇и. вихаасинд̇и звам̣бхууд̇о худ̇ваа вихарим̣.
Antepureti itthāgārassa sañcaraṇaṭṭhānabhūte rājagehassa abbhantare, yattha rājā nhānabhojanasayanādiṃ kappeti. Rakkhā susaṃvihitāti ārakkhādikatapurisehi gutti suṭṭhu samantato vihitā. Bahipi antepureti aḍḍakaraṇaṭṭhānādike antepurato bahibhūte rājagehe. Evaṃ rakkhito gopito santoti evaṃ rājageharājadhānirajjadesesu anto ca bahi ca anekesu ṭhānesu anekasatehi susaṃvihitarakkhāvaraṇaguttiyā mameva nibbhayatthaṃ phāsuvihāratthaṃ rakkhito gopito samāno. Bhītotiādīni padāni aññamaññavevacanāni. Atha vā bhītoti pararājūhi bhāyamāno. Ubbiggoti sakarajjepi pakatito uppajjanakabhayubbegena ubbiggo calito. Ussaṅkīti ‘‘raññā nāma sabbakālaṃ avissatthena bhavitabba’’nti vacanena sabbattha avissāsavasena tesaṃ tesaṃ kiccakaraṇīyānaṃ paccayaparisaṅkāya ca uddhamukhaṃ saṅkamāno. Utrāsīti ‘‘santikāvacarehipi ajānantasseva me kadāci anattho bhaveyyā’’ti uppannena sarīrakampaṃ uppādanasamatthena tāsena utrāsī. ‘‘Utrasto’’tipi paṭhanti. Vihāsinti evaṃbhūto hutvā vihariṃ.
зд̇арахийд̇и ид̣̇аани баб̣б̣аж̇ид̇агаалад̇о бадтааяа. згод̇и асахааяо, д̇зна вуубагадтагааяад̇ам̣ д̣̇ассзд̇и. абхийд̇од̇иаад̣̇ийнам̣ бад̣̇аанам̣ вуд̇д̇авибарияааязна ад̇т̇о взд̣̇ид̇аб̣б̣о. бхаяаад̣̇инимид̇д̇асса бариг̇г̇ахасса д̇ам̣ нимид̇д̇асса жа гилзсасса абхаавзнзвасса абхийд̇аад̣̇ид̇аад̇и. зд̇зна жид̇д̇авивзгам̣ д̣̇ассзд̇и . аббоссуггод̇и сарийраг̇уд̇д̇ияам̣ нируссугго. банналомод̇и ломахам̣суббаад̣̇агасса чамбхид̇ад̇д̇асса абхаавзна ануг̇г̇ад̇аломо. бад̣̇ад̣̇ваязнаби сзривихаарам̣ д̣̇ассзд̇и. барад̣̇ад̇д̇авуд̇д̇од̇и барзхи д̣̇иннзна жийвараад̣̇инаа вад̇д̇амаано, зд̇зна саб̣б̣асо сан̇г̇аабхаавад̣̇ийбанамукзна анавасзсабхаяахзд̇увирахам̣ д̣̇ассзд̇и. миг̇абхууд̇зна жзд̇асаад̇и виссад̇т̇авихаарид̇ааяа миг̇асса вияа ж̇аад̇зна жид̇д̇зна. миг̇о хи амануссабат̇з аран̃н̃з васамаано виссад̇т̇о д̇идтад̇и, нисийд̣̇ад̇и, нибаж̇ж̇ад̇и, язнагааман̃жа баггамад̇и аббадихад̇ажааро, звам̣ ахамби вихараамийд̇и д̣̇ассзд̇и. вуд̇д̇ан̃хзд̇ам̣ бажжзгаб̣уд̣̇д̇хзна –
Etarahīti idāni pabbajitakālato paṭṭhāya. Ekoti asahāyo, tena vūpakaṭṭhakāyataṃ dasseti. Abhītotiādīnaṃ padānaṃ vuttavipariyāyena attho veditabbo. Bhayādinimittassa pariggahassa taṃ nimittassa ca kilesassa abhāvenevassa abhītāditāti. Etena cittavivekaṃ dasseti . Appossukkoti sarīraguttiyaṃ nirussukko. Pannalomoti lomahaṃsuppādakassa chambhitattassa abhāvena anuggatalomo. Padadvayenapi serivihāraṃ dasseti. Paradattavuttoti parehi dinnena cīvarādinā vattamāno, etena sabbaso saṅgābhāvadīpanamukhena anavasesabhayahetuvirahaṃ dasseti. Migabhūtena cetasāti vissatthavihāritāya migassa viya jātena cittena. Migo hi amanussapathe araññe vasamāno vissattho tiṭṭhati, nisīdati, nipajjati, yenakāmañca pakkamati appaṭihatacāro, evaṃ ahampi viharāmīti dasseti. Vuttañhetaṃ paccekabuddhena –
‘‘миг̇о аран̃н̃амхи яат̇аа аб̣ад̣̇д̇хо,
‘‘Migo araññamhi yathā abaddho,
язнижчагам̣ г̇ажчад̇и г̇ожарааяа;
Yenicchakaṃ gacchati gocarāya;
вин̃н̃уу наро сзрид̇ам̣ бзгкамаано,
Viññū naro seritaṃ pekkhamāno,
зго жарз каг̇г̇ависаан̣агаббо’’д̇и. (су. ни. 39; аба. т̇зра 1.1.95);
Eko care khaggavisāṇakappo’’ti. (su. ni. 39; apa. thera 1.1.95);
имам̣ ко ахам̣, бханд̇з, ад̇т̇авасанд̇и, бханд̇з, бхаг̇аваа яад̣̇ид̣̇ам̣ мама зд̇арахи барамам̣ вивзгасукам̣ паласамаабад̇д̇исукам̣, ид̣̇амзва гааран̣ам̣ самбассамаано ‘‘ахо сукам̣, ахо сука’’нд̇и уд̣̇аанам̣ уд̣̇аанзсинд̇и.
Imaṃ kho ahaṃ, bhante, atthavasanti, bhante, bhagavā yadidaṃ mama etarahi paramaṃ vivekasukhaṃ phalasamāpattisukhaṃ, idameva kāraṇaṃ sampassamāno ‘‘aho sukhaṃ, aho sukha’’nti udānaṃ udānesinti.
зд̇амад̇т̇анд̇и зд̇ам̣ бхад̣̇д̣̇ияад̇т̇зрасса бут̇уж̇ж̇анависаяаад̇ийд̇ам̣ вивзгасукасан̇каад̇амад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и ид̣̇ам̣ сахзд̇угабхаяасогавиг̇амаанубхаавад̣̇ийбагам̣ уд̣̇аанам̣ уд̣̇аанзси.
Etamatthanti etaṃ bhaddiyattherassa puthujjanavisayātītaṃ vivekasukhasaṅkhātamatthaṃ sabbākārato viditvā. Imaṃ udānanti idaṃ sahetukabhayasokavigamānubhāvadīpakaṃ udānaṃ udānesi.
д̇ад̇т̇а яассанд̇арад̇о на санд̇и гобаад̇и яасса арияабуг̇г̇аласса анд̇арад̇о аб̣бханд̇арз ад̇д̇ано жид̇д̇з жид̇д̇агаалуссияагаран̣ад̇о жид̇д̇аббагобаа рааг̇аад̣̇аяо аагхаад̇авад̇т̇уаад̣̇игааран̣абхзд̣̇ад̇о анзгабхзд̣̇аа д̣̇осагобаа зва гобаа на санд̇и маг̇г̇зна бахийнад̇д̇аа на виж̇ж̇анд̇и. аяан̃хи анд̇арасад̣̇д̣̇о гин̃жааби ‘‘ман̃жа д̇ван̃жа гиманд̇ара’’нд̇иаад̣̇ийсу (сам̣. ни. 1.228) гааран̣з д̣̇иссад̇и, ‘‘анд̇арадтагз химабаад̇асамаяз’’д̇иаад̣̇ийсу (махаава. 346) взмаж̇жхз, ‘‘анд̇араа жа ж̇зд̇аванам̣ анд̇араа жа саавад̇т̇и’’нд̇иаад̣̇ийсу (уд̣̇аа. 13, 44) виварз, ‘‘бхаяаманд̇арад̇о ж̇аад̇а’’нд̇иаад̣̇ийсу (ид̇иву. 88; махаани. 5) жид̇д̇з, ид̇хааби жид̇д̇з зва д̣̇адтаб̣б̣о. д̇зна вуд̇д̇ам̣ ‘‘анд̇арад̇о ад̇д̇ано жид̇д̇з’’д̇и.
Tattha yassantarato na santi kopāti yassa ariyapuggalassa antarato abbhantare attano citte cittakālussiyakaraṇato cittappakopā rāgādayo āghātavatthuādikāraṇabhedato anekabhedā dosakopā eva kopā na santi maggena pahīnattā na vijjanti. Ayañhi antarasaddo kiñcāpi ‘‘mañca tvañca kimantara’’ntiādīsu (saṃ. ni. 1.228) kāraṇe dissati, ‘‘antaraṭṭhake himapātasamaye’’tiādīsu (mahāva. 346) vemajjhe, ‘‘antarā ca jetavanaṃ antarā ca sāvatthi’’ntiādīsu (udā. 13, 44) vivare, ‘‘bhayamantarato jāta’’ntiādīsu (itivu. 88; mahāni. 5) citte, idhāpi citte eva daṭṭhabbo. Tena vuttaṃ ‘‘antarato attano citte’’ti.
ид̇ибхаваабхавад̇ан̃жа вийд̇ивад̇д̇од̇и яасмаа бхавод̇и самбад̇д̇и, абхавод̇и вибад̇д̇и. д̇ат̇аа бхавод̇и вуд̣̇д̇хи, абхавод̇и хаани. бхавод̇и ваа сассад̇ам̣, абхавод̇и ужчзд̣̇о. бхавод̇и ваа бун̃н̃ам̣, абхавод̇и баабам̣. бхавод̇и ваа суг̇ад̇и, абхавод̇и д̣̇уг̇г̇ад̇и. бхавод̇и ваа куд̣̇д̣̇аго, абхавод̇и маханд̇о. д̇асмаа яаа саа самбад̇д̇ивибад̇д̇ивуд̣дхихаанисассад̇ужчзд̣̇абун̃н̃абаабасуг̇ад̇ид̣̇уг̇г̇ад̇и- куд̣̇д̣̇агамаханд̇аубабад̇д̇ибхаваанам̣ васзна ид̇и анзгаббагаараа бхаваабхавад̇аа вужжад̇и. жад̇уухиби арияамаг̇г̇зхи яат̇аасамбхавам̣ д̇зна д̇зна наязна д̇ам̣ ид̇ибхаваабхавад̇ан̃жа вийд̇ивад̇д̇о ад̇игганд̇о ход̇и. ад̇т̇авасзна вибхад̇д̇и вибарин̣аамзд̇аб̣б̣аа. д̇ам̣ виг̇ад̇абхаяанд̇и д̇ам̣ зваруубам̣ яат̇аавуд̇д̇аг̇ун̣асаманнааг̇ад̇ам̣ кийн̣аасавам̣ жид̇д̇агобаабхаавад̇о ид̇ибхаваабхавасамад̇иггамад̇о жа бхаяахзд̇увиг̇амзна виг̇ад̇абхаяам̣, вивзгасукзна аг̇г̇апаласукзна жа суким̣, виг̇ад̇абхаяад̇д̇аа зва асогам̣. д̣̇зваа наанубхаванд̇и д̣̇ассанааяаад̇и ад̇хиг̇ад̇амаг̇г̇з табзд̇ваа саб̣б̣зби убабад̇д̇ид̣̇зваа вааяаманд̇ааби жид̇д̇ажаарад̣̇ассанавасзна д̣̇ассанааяа д̣̇адтум̣ наанубхаванд̇и на абхисамбхун̣анд̇и на саггонд̇и, баг̇зва мануссаа. сзгкааби хи бут̇уж̇ж̇анаа вияа арахад̇о жид̇д̇аббавад̇д̇им̣ на ж̇аананд̇и.
Itibhavābhavatañca vītivattoti yasmā bhavoti sampatti, abhavoti vipatti. Tathā bhavoti vuddhi, abhavoti hāni. Bhavoti vā sassataṃ, abhavoti ucchedo. Bhavoti vā puññaṃ, abhavoti pāpaṃ. Bhavoti vā sugati, abhavoti duggati. Bhavoti vā khuddako, abhavoti mahanto. Tasmā yā sā sampattivipattivuḍḍhihānisassatucchedapuññapāpasugatiduggati- khuddakamahantaupapattibhavānaṃ vasena iti anekappakārā bhavābhavatā vuccati. Catūhipi ariyamaggehi yathāsambhavaṃ tena tena nayena taṃ itibhavābhavatañca vītivatto atikkanto hoti. Atthavasena vibhatti vipariṇāmetabbā. Taṃ vigatabhayanti taṃ evarūpaṃ yathāvuttaguṇasamannāgataṃ khīṇāsavaṃ cittakopābhāvato itibhavābhavasamatikkamato ca bhayahetuvigamena vigatabhayaṃ, vivekasukhena aggaphalasukhena ca sukhiṃ, vigatabhayattā eva asokaṃ. Devā nānubhavanti dassanāyāti adhigatamagge ṭhapetvā sabbepi upapattidevā vāyamantāpi cittacāradassanavasena dassanāya daṭṭhuṃ nānubhavanti na abhisambhuṇanti na sakkonti, pageva manussā. Sekkhāpi hi puthujjanā viya arahato cittappavattiṃ na jānanti.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа мужалинд̣̇аваг̇г̇аван̣н̣анаа.
Niṭṭhitā ca mucalindavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. бхад̣̇д̣̇ияасуд̇д̇ам̣ • 10. Bhaddiyasuttaṃ
