| Library / Tipiṭaka / तिपिटक • Tipiṭaka / विमानवत्थुपाळि • Vimānavatthupāḷi |
५. भद्दित्थिविमानवत्थु
5. Bhadditthivimānavatthu
२०६.
206.
उच्चावचानं वण्णानं, किञ्जक्खपरिवारिता॥
Uccāvacānaṃ vaṇṇānaṃ, kiñjakkhaparivāritā.
२०७.
207.
‘‘मन्दारवानं पुप्फानं, मालं धारेसि मुद्धनि।
‘‘Mandāravānaṃ pupphānaṃ, mālaṃ dhāresi muddhani;
नयिमे अञ्ञेसु कायेसु, रुक्खा सन्ति सुमेधसे॥
Nayime aññesu kāyesu, rukkhā santi sumedhase.
२०८.
208.
‘‘केन कायं उपपन्ना, तावतिंसं यसस्सिनी।
‘‘Kena kāyaṃ upapannā, tāvatiṃsaṃ yasassinī;
देवते पुच्छिताचिक्ख, किस्स कम्मस्सिदं फल’’न्ति॥
Devate pucchitācikkha, kissa kammassidaṃ phala’’nti.
२०९.
209.
सद्धा सीलेन सम्पन्ना, संविभागरता सदा॥
Saddhā sīlena sampannā, saṃvibhāgaratā sadā.
२१०.
210.
‘‘अच्छादनञ्च भत्तञ्च, सेनासनं पदीपियं।
‘‘Acchādanañca bhattañca, senāsanaṃ padīpiyaṃ;
अदासिं उजुभूतेसु, विप्पसन्नेन चेतसा॥
Adāsiṃ ujubhūtesu, vippasannena cetasā.
२११.
211.
‘‘चातुद्दसिं पञ्चदसिं, या च पक्खस्स अट्ठमी।
‘‘Cātuddasiṃ pañcadasiṃ, yā ca pakkhassa aṭṭhamī;
पाटिहारियपक्खञ्च, अट्ठङ्गसुसमागतं॥
Pāṭihāriyapakkhañca, aṭṭhaṅgasusamāgataṃ.
२१२.
212.
‘‘उपोसथं उपवसिस्सं, सदा सीलेसु संवुता।
‘‘Uposathaṃ upavasissaṃ, sadā sīlesu saṃvutā;
सञ्ञमा संविभागा च, विमानं आवसामहं॥
Saññamā saṃvibhāgā ca, vimānaṃ āvasāmahaṃ.
२१३.
213.
‘‘पाणातिपाता विरता, मुसावादा च सञ्ञता।
‘‘Pāṇātipātā viratā, musāvādā ca saññatā;
थेय्या च अतिचारा च, मज्जपाना च आरका॥
Theyyā ca aticārā ca, majjapānā ca ārakā.
२१४.
214.
‘‘पञ्चसिक्खापदे रता, अरियसच्चान कोविदा।
‘‘Pañcasikkhāpade ratā, ariyasaccāna kovidā;
उपासिका चक्खुमतो, अप्पमादविहारिनी॥
Upāsikā cakkhumato, appamādavihārinī.
सयं पभा अनुविचरामि नन्दनं॥
Sayaṃ pabhā anuvicarāmi nandanaṃ.
२१५.
215.
‘‘भिक्खू चाहं परमहितानुकम्पके, अभोजयिं तपस्सियुगं महामुनिं।
‘‘Bhikkhū cāhaṃ paramahitānukampake, abhojayiṃ tapassiyugaṃ mahāmuniṃ;
कतावासा कतकुसला ततो चुता 7, सयं पभा अनुविचरामि नन्दनं॥
Katāvāsā katakusalā tato cutā 8, sayaṃ pabhā anuvicarāmi nandanaṃ.
२१६.
216.
‘‘अट्ठङ्गिकं अपरिमितं सुखावहं, उपोसथं सततमुपावसिं अहं।
‘‘Aṭṭhaṅgikaṃ aparimitaṃ sukhāvahaṃ, uposathaṃ satatamupāvasiṃ ahaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / विमानवत्थु-अट्ठकथा • Vimānavatthu-aṭṭhakathā / ५. भद्दित्थिविमानवण्णना • 5. Bhadditthivimānavaṇṇanā
