| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
អដ្ឋ បញ្ញាបដិលាភការណំ
Aṭṭha paññāpaṭilābhakāraṇaṃ
‘‘ភន្តេ នាគសេន, អដ្ឋហិ ការណេហិ ពុទ្ធិ បរិណមតិ បរិបាកំ គច្ឆតិ។ កតមេហិ អដ្ឋហិ? វយបរិណាមេន ពុទ្ធិ បរិណមតិ បរិបាកំ គច្ឆតិ, យសបរិណាមេន ពុទ្ធិ បរិណមតិ បរិបាកំ គច្ឆតិ, បរិបុច្ឆាយ ពុទ្ធិ បរិណមតិ បរិបាកំ គច្ឆតិ, តិត្ថសំវាសេន ពុទ្ធិ បរិណមតិ បរិបាកំ គច្ឆតិ, យោនិសោ មនសិការេន ពុទ្ធិ បរិណមតិ បរិបាកំ គច្ឆតិ, សាកច្ឆាយ ពុទ្ធិ បរិណមតិ បរិបាកំ គច្ឆតិ, ស្នេហូបសេវនេន ពុទ្ធិ បរិណមតិ បរិបាកំ គច្ឆតិ, បតិរូបទេសវាសេន ពុទ្ធិ បរិណមតិ បរិបាកំ គច្ឆតិ។ ភវតីហ –
‘‘Bhante nāgasena, aṭṭhahi kāraṇehi buddhi pariṇamati paripākaṃ gacchati. Katamehi aṭṭhahi? Vayapariṇāmena buddhi pariṇamati paripākaṃ gacchati, yasapariṇāmena buddhi pariṇamati paripākaṃ gacchati, paripucchāya buddhi pariṇamati paripākaṃ gacchati, titthasaṃvāsena buddhi pariṇamati paripākaṃ gacchati, yoniso manasikārena buddhi pariṇamati paripākaṃ gacchati, sākacchāya buddhi pariṇamati paripākaṃ gacchati, snehūpasevanena buddhi pariṇamati paripākaṃ gacchati, patirūpadesavāsena buddhi pariṇamati paripākaṃ gacchati. Bhavatīha –
‘‘‘វយេន យសបុច្ឆាហិ, តិត្ថវាសេន យោនិសោ;
‘‘‘Vayena yasapucchāhi, titthavāsena yoniso;
សាកច្ឆា ស្នេហសំសេវា, បតិរូបវសេន ច។
Sākacchā snehasaṃsevā, patirūpavasena ca.
‘‘ឯតានិ អដ្ឋ ឋានានិ, ពុទ្ធិវិសទការណា;
‘‘Etāni aṭṭha ṭhānāni, buddhivisadakāraṇā;
យេសំ ឯតានិ សម្ភោន្តិ, តេសំ ពុទ្ធិ បភិជ្ជតី’’’តិ។
Yesaṃ etāni sambhonti, tesaṃ buddhi pabhijjatī’’’ti.
អដ្ឋ បញ្ញាបដិលាភការណានិ។
Aṭṭha paññāpaṭilābhakāraṇāni.
