| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. ཨཔྤམཱདསུཏྟཾ
6. Appamādasuttaṃ
༡༡༦. ‘‘ཙཏཱུཧི, བྷིཀྑཝེ, ཋཱནེཧི ཨཔྤམཱདོ ཀརཎཱིཡོ། ཀཏམེཧི ཙཏཱུཧི? ཀཱཡདུཙྩརིཏཾ, བྷིཀྑཝེ, པཛཧཐ, ཀཱཡསུཙརིཏཾ བྷཱཝེཐ; ཏཏྠ ཙ མཱ པམཱདཏྠ། ཝཙཱིདུཙྩརིཏཾ, བྷིཀྑཝེ, པཛཧཐ, ཝཙཱིསུཙརིཏཾ བྷཱཝེཐ; ཏཏྠ ཙ མཱ པམཱདཏྠ། མནོདུཙྩརིཏཾ, བྷིཀྑཝེ, པཛཧཐ, མནོསུཙརིཏཾ བྷཱཝེཐ; ཏཏྠ ཙ མཱ པམཱདཏྠ། མིཙྪཱདིཊྛིཾ, བྷིཀྑཝེ, པཛཧཐ, སམྨཱདིཊྛིཾ བྷཱཝེཐ ; ཏཏྠ ཙ མཱ པམཱདཏྠ།
116. ‘‘Catūhi, bhikkhave, ṭhānehi appamādo karaṇīyo. Katamehi catūhi? Kāyaduccaritaṃ, bhikkhave, pajahatha, kāyasucaritaṃ bhāvetha; tattha ca mā pamādattha. Vacīduccaritaṃ, bhikkhave, pajahatha, vacīsucaritaṃ bhāvetha; tattha ca mā pamādattha. Manoduccaritaṃ, bhikkhave, pajahatha, manosucaritaṃ bhāvetha; tattha ca mā pamādattha. Micchādiṭṭhiṃ, bhikkhave, pajahatha, sammādiṭṭhiṃ bhāvetha ; tattha ca mā pamādattha.
‘‘ཡཏོ ཁོ, བྷིཀྑཝེ, བྷིཀྑུནོ ཀཱཡདུཙྩརིཏཾ པཧཱིནཾ ཧོཏི ཀཱཡསུཙརིཏཾ བྷཱཝིཏཾ, ཝཙཱིདུཙྩརིཏཾ པཧཱིནཾ ཧོཏི ཝཙཱིསུཙརིཏཾ བྷཱཝིཏཾ, མནོདུཙྩརིཏཾ པཧཱིནཾ ཧོཏི མནོསུཙརིཏཾ བྷཱཝིཏཾ, མིཙྪཱདིཊྛི པཧཱིནཱ ཧོཏི སམྨཱདིཊྛི བྷཱཝིཏཱ, སོ ན བྷཱཡཏི སམྤརཱཡིཀསྶ མརཎསྶཱ’’ཏི། ཚཊྛཾ།
‘‘Yato kho, bhikkhave, bhikkhuno kāyaduccaritaṃ pahīnaṃ hoti kāyasucaritaṃ bhāvitaṃ, vacīduccaritaṃ pahīnaṃ hoti vacīsucaritaṃ bhāvitaṃ, manoduccaritaṃ pahīnaṃ hoti manosucaritaṃ bhāvitaṃ, micchādiṭṭhi pahīnā hoti sammādiṭṭhi bhāvitā, so na bhāyati samparāyikassa maraṇassā’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦. ཨཔྤམཱདསུཏྟཝཎྞནཱ • 6. Appamādasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཀེསིསུཏྟཱདིཝཎྞནཱ • 1-7. Kesisuttādivaṇṇanā
