| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૫. પન્નરસમવગ્ગો
15. Pannarasamavaggo
(૧૪૬) ૨. અઞ્ઞમઞ્ઞપચ્ચયકથા
(146) 2. Aññamaññapaccayakathā
૭૧૮. અવિજ્જાપચ્ચયાવ સઙ્ખારા, ન વત્તબ્બં – ‘‘સઙ્ખારપચ્ચયાપિ અવિજ્જા’’તિ? આમન્તા. નનુ અવિજ્જા સઙ્ખારેન સહજાતાતિ? આમન્તા . હઞ્ચિ અવિજ્જા સઙ્ખારેન સહજાતા, તેન વત રે વત્તબ્બે – ‘‘અવિજ્જાપચ્ચયાપિ સઙ્ખારા, સઙ્ખારપચ્ચયાપિ અવિજ્જા’’તિ.
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
તણ્હાપચ્ચયાવ ઉપાદાનં, ન વત્તબ્બં – ‘‘ઉપાદાનપચ્ચયાપિ તણ્હા’’તિ? આમન્તા. નનુ તણ્હા ઉપાદાનેન સહજાતાતિ? આમન્તા. હઞ્ચિ તણ્હા ઉપાદાનેન સહજાતા, તેન વત રે વત્તબ્બે – ‘‘તણ્હાપચ્ચયાપિ ઉપાદાનં, ઉપાદાનપચ્ચયાપિ તણ્હા’’તિ.
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
૭૧૯. ‘‘જરામરણપચ્ચયા , ભિક્ખવે, જાતિ, જાતિપચ્ચયા ભવો’’તિ – અત્થેવ સુત્તન્તોતિ ? નત્થિ. તેન હિ અવિજ્જાપચ્ચયાવ સઙ્ખારા, ન વત્તબ્બં – ‘‘સઙ્ખારપચ્ચયાપિ અવિજ્જા’’તિ. તણ્હાપચ્ચયાવ ઉપાદાનં, ન વત્તબ્બં – ‘‘ઉપાદાનપચ્ચયાપિ તણ્હા’’તિ.
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘વિઞ્ઞાણપચ્ચયા, ભિક્ખવે, નામરૂપં, નામરૂપપચ્ચયાપિ વિઞ્ઞાણ’’ન્તિ 1 – અત્થેવ સુત્તન્તોતિ? આમન્તા. તેન હિ અવિજ્જાપચ્ચયાપિ સઙ્ખારા, સઙ્ખારપચ્ચયાપિ અવિજ્જા; તણ્હાપચ્ચયાપિ ઉપાદાનં, ઉપાદાનપચ્ચયાપિ તણ્હાતિ.
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
અઞ્ઞમઞ્ઞપચ્ચયકથા નિટ્ઠિતા.
Aññamaññapaccayakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૨. અઞ્ઞમઞ્ઞપચ્ચયકથાવણ્ણના • 2. Aññamaññapaccayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૨. અઞ્ઞમઞ્ઞપચ્ચયકથાવણ્ણના • 2. Aññamaññapaccayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. અઞ્ઞમઞ્ઞપચ્ચયકથાવણ્ણના • 2. Aññamaññapaccayakathāvaṇṇanā
