| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. бхигкуваг̇г̇о
2. Bhikkhuvaggo
1. амб̣аладтигараахуловаад̣̇асуд̇д̇ам̣
1. Ambalaṭṭhikarāhulovādasuttaṃ
107. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа раахуло амб̣аладтигааяам̣ вихарад̇и. ат̇а ко бхаг̇аваа сааяанхасамаяам̣ бадисаллаанаа вудтид̇о язна амб̣аладтигаа язнааяасмаа раахуло д̇знубасан̇гами. ад̣̇д̣̇асаа ко ааяасмаа раахуло бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана аасанам̣ бан̃н̃аабзси, уд̣̇аган̃жа баад̣̇аанам̣. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а баад̣̇з багкаалзси. ааяасмааби ко раахуло бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и.
107. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā rāhulo ambalaṭṭhikāyaṃ viharati. Atha kho bhagavā sāyanhasamayaṃ paṭisallānā vuṭṭhito yena ambalaṭṭhikā yenāyasmā rāhulo tenupasaṅkami. Addasā kho āyasmā rāhulo bhagavantaṃ dūratova āgacchantaṃ. Disvāna āsanaṃ paññāpesi, udakañca pādānaṃ. Nisīdi bhagavā paññatte āsane. Nisajja pāde pakkhālesi. Āyasmāpi kho rāhulo bhagavantaṃ abhivādetvā ekamantaṃ nisīdi.
108. ат̇а ко бхаг̇аваа барид̇д̇ам̣ уд̣̇агаавасзсам̣ уд̣̇агаад̇хаанз табзд̇ваа ааяасманд̇ам̣ раахулам̣ ааманд̇зси – ‘‘бассаси но д̇вам̣, раахула, имам̣ барид̇д̇ам̣ уд̣̇агаавасзсам̣ уд̣̇агаад̇хаанз табид̇а’’нд̇и? ‘‘звам̣, бханд̇з’’. ‘‘звам̣ барид̇д̇агам̣ ко, раахула, д̇зсам̣ сааман̃н̃ам̣ язсам̣ над̇т̇и самбаж̇аанамусааваад̣̇з лаж̇ж̇аа’’д̇и. ат̇а ко бхаг̇аваа барид̇д̇ам̣ уд̣̇агаавасзсам̣ чад̣д̣зд̇ваа ааяасманд̇ам̣ раахулам̣ ааманд̇зси – ‘‘бассаси но д̇вам̣, раахула, барид̇д̇ам̣ уд̣̇агаавасзсам̣ чад̣д̣ид̇а’’нд̇и? ‘‘звам̣, бханд̇з’’. ‘‘звам̣ чад̣д̣ид̇ам̣ ко, раахула, д̇зсам̣ сааман̃н̃ам̣ язсам̣ над̇т̇и самбаж̇аанамусааваад̣̇з лаж̇ж̇аа’’д̇и. ат̇а ко бхаг̇аваа д̇ам̣ уд̣̇агаад̇хаанам̣ ниггуж̇ж̇ид̇ваа ааяасманд̇ам̣ раахулам̣ ааманд̇зси – ‘‘бассаси но д̇вам̣, раахула, имам̣ уд̣̇агаад̇хаанам̣ ниггуж̇ж̇ид̇а’’нд̇и? ‘‘звам̣, бханд̇з’’. ‘‘звам̣ ниггуж̇ж̇ид̇ам̣ ко, раахула, д̇зсам̣ сааман̃н̃ам̣ язсам̣ над̇т̇и самбаж̇аанамусааваад̣̇з лаж̇ж̇аа’’д̇и. ат̇а ко бхаг̇аваа д̇ам̣ уд̣̇агаад̇хаанам̣ уггуж̇ж̇ид̇ваа ааяасманд̇ам̣ раахулам̣ ааманд̇зси – ‘‘бассаси но д̇вам̣, раахула, имам̣ уд̣̇агаад̇хаанам̣ рид̇д̇ам̣ д̇ужча’’нд̇и? ‘‘звам̣, бханд̇з’’. ‘‘звам̣ рид̇д̇ам̣ д̇ужчам̣ ко, раахула, д̇зсам̣ сааман̃н̃ам̣ язсам̣ над̇т̇и самбаж̇аанамусааваад̣̇з лаж̇ж̇аад̇и. сзяяат̇ааби, раахула, ран̃н̃о нааг̇о ийсаад̣̇анд̇о уруул̣хаваа 1 абхиж̇аад̇о сан̇г̇аамааважаро сан̇г̇аамаг̇ад̇о буримзхиби баад̣̇зхи гаммам̣ гарод̇и, бажчимзхиби баад̣̇зхи гаммам̣ гарод̇и, буримзнаби гааязна гаммам̣ гарод̇и, бажчимзнаби гааязна гаммам̣ гарод̇и, сийсзнаби гаммам̣ гарод̇и, ган̣н̣зхиби гаммам̣ гарод̇и, д̣̇анд̇зхиби гаммам̣ гарод̇и, нан̇г̇удтзнаби гаммам̣ гарод̇и; рагкад̇зва сон̣д̣ам̣. д̇ад̇т̇а хад̇т̇аарохасса звам̣ ход̇и – ‘аяам̣ ко ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро сан̇г̇аамаг̇ад̇о буримзхиби баад̣̇зхи гаммам̣ гарод̇и, бажчимзхиби баад̣̇зхи гаммам̣ гарод̇и…бз… нан̇г̇удтзнаби гаммам̣ гарод̇и; рагкад̇зва сон̣д̣ам̣ . абарижжад̇д̇ам̣ ко ран̃н̃о нааг̇асса ж̇ийвид̇а’нд̇и. яад̇о ко, раахула, ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро сан̇г̇аамаг̇ад̇о буримзхиби баад̣̇зхи гаммам̣ гарод̇и, бажчимзхиби баад̣̇зхи гаммам̣ гарод̇и…бз… нан̇г̇удтзнаби гаммам̣ гарод̇и, сон̣д̣ааяаби гаммам̣ гарод̇и, д̇ад̇т̇а хад̇т̇аарохасса звам̣ ход̇и – ‘аяам̣ ко ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро сан̇г̇аамаг̇ад̇о буримзхиби баад̣̇зхи гаммам̣ гарод̇и, бажчимзхиби баад̣̇зхи гаммам̣ гарод̇и, буримзнаби гааязна гаммам̣ гарод̇и, бажчимзнаби гааязна гаммам̣ гарод̇и, сийсзнаби гаммам̣ гарод̇и, ган̣н̣зхиби гаммам̣ гарод̇и, д̣̇анд̇зхиби гаммам̣ гарод̇и, нан̇г̇удтзнаби гаммам̣ гарод̇и, сон̣д̣ааяаби гаммам̣ гарод̇и. барижжад̇д̇ам̣ ко ран̃н̃о нааг̇асса ж̇ийвид̇ам̣. над̇т̇и д̣̇аани гин̃жи ран̃н̃о нааг̇асса агаран̣ийяа’нд̇и. звамзва ко, раахула, яасса гассажи самбаж̇аанамусааваад̣̇з над̇т̇и лаж̇ж̇аа, наахам̣ д̇асса гин̃жи баабам̣ агаран̣ийяанд̇и вад̣̇аами. д̇асмаад̇иха д̇з, раахула, ‘хассааби на мусаа бхан̣иссаамий’д̇и – зван̃хи д̇з, раахула, сигкид̇аб̣б̣ам̣.
108. Atha kho bhagavā parittaṃ udakāvasesaṃ udakādhāne ṭhapetvā āyasmantaṃ rāhulaṃ āmantesi – ‘‘passasi no tvaṃ, rāhula, imaṃ parittaṃ udakāvasesaṃ udakādhāne ṭhapita’’nti? ‘‘Evaṃ, bhante’’. ‘‘Evaṃ parittakaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā’’ti. Atha kho bhagavā parittaṃ udakāvasesaṃ chaḍḍetvā āyasmantaṃ rāhulaṃ āmantesi – ‘‘passasi no tvaṃ, rāhula, parittaṃ udakāvasesaṃ chaḍḍita’’nti? ‘‘Evaṃ, bhante’’. ‘‘Evaṃ chaḍḍitaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā’’ti. Atha kho bhagavā taṃ udakādhānaṃ nikkujjitvā āyasmantaṃ rāhulaṃ āmantesi – ‘‘passasi no tvaṃ, rāhula, imaṃ udakādhānaṃ nikkujjita’’nti? ‘‘Evaṃ, bhante’’. ‘‘Evaṃ nikkujjitaṃ kho, rāhula, tesaṃ sāmaññaṃ yesaṃ natthi sampajānamusāvāde lajjā’’ti. Atha kho bhagavā taṃ udakādhānaṃ ukkujjitvā āyasmantaṃ rāhulaṃ āmantesi – ‘‘passasi no tvaṃ, rāhula, imaṃ udakādhānaṃ rittaṃ tuccha’’nti? ‘‘Evaṃ, bhante’’. ‘‘Evaṃ rittaṃ tucchaṃ kho, rāhula, tesaṃ sāmaññaṃ yesaṃ natthi sampajānamusāvāde lajjāti. Seyyathāpi, rāhula, rañño nāgo īsādanto urūḷhavā 2 abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti, purimenapi kāyena kammaṃ karoti, pacchimenapi kāyena kammaṃ karoti, sīsenapi kammaṃ karoti, kaṇṇehipi kammaṃ karoti, dantehipi kammaṃ karoti, naṅguṭṭhenapi kammaṃ karoti; rakkhateva soṇḍaṃ. Tattha hatthārohassa evaṃ hoti – ‘ayaṃ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti…pe… naṅguṭṭhenapi kammaṃ karoti; rakkhateva soṇḍaṃ . Apariccattaṃ kho rañño nāgassa jīvita’nti. Yato kho, rāhula, rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti…pe… naṅguṭṭhenapi kammaṃ karoti, soṇḍāyapi kammaṃ karoti, tattha hatthārohassa evaṃ hoti – ‘ayaṃ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṃ karoti, pacchimehipi pādehi kammaṃ karoti, purimenapi kāyena kammaṃ karoti, pacchimenapi kāyena kammaṃ karoti, sīsenapi kammaṃ karoti, kaṇṇehipi kammaṃ karoti, dantehipi kammaṃ karoti, naṅguṭṭhenapi kammaṃ karoti, soṇḍāyapi kammaṃ karoti. Pariccattaṃ kho rañño nāgassa jīvitaṃ. Natthi dāni kiñci rañño nāgassa akaraṇīya’nti. Evameva kho, rāhula, yassa kassaci sampajānamusāvāde natthi lajjā, nāhaṃ tassa kiñci pāpaṃ akaraṇīyanti vadāmi. Tasmātiha te, rāhula, ‘hassāpi na musā bhaṇissāmī’ti – evañhi te, rāhula, sikkhitabbaṃ.
109. ‘‘д̇ам̣ гим̣ ман̃н̃аси, раахула, гимад̇т̇ияо аад̣̇аасо’’д̇и? ‘‘бажжавзгкан̣ад̇т̇о, бханд̇з’’д̇и. ‘‘звамзва ко, раахула, бажжавзгкид̇ваа бажжавзгкид̇ваа гааязна гаммам̣ гад̇д̇аб̣б̣ам̣, бажжавзгкид̇ваа бажжавзгкид̇ваа ваажааяа гаммам̣ гад̇д̇аб̣б̣ам̣, бажжавзгкид̇ваа бажжавзгкид̇ваа манасаа гаммам̣ гад̇д̇аб̣б̣ам̣. яад̣̇зва д̇вам̣, раахула, гааязна гаммам̣ гад̇д̇угаамо ахоси, д̇ад̣̇зва д̇з гааяагаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ гааязна гаммам̣ гад̇д̇угаамо ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ гааяагаммам̣ д̣̇угкуд̣̇раяам̣ 3 д̣̇угкавибаага’нд̇и? сажз д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ гад̇д̇угаамо ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ гааяагаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ д̇з, раахула, гааязна гаммам̣ сасаггам̣ на гаран̣ийяам̣ 4. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ гад̇д̇угаамо ид̣̇ам̣ мз гааяагаммам̣ нзвад̇д̇аб̣яааб̣аад̇хааяаби сам̣вад̇д̇зяяа, на бараб̣яааб̣аад̇хааяаби сам̣вад̇д̇зяяа, на убхаяаб̣яааб̣аад̇хааяаби сам̣вад̇д̇зяяа – гусалам̣ ид̣̇ам̣ гааяагаммам̣ сукуд̣̇раяам̣ сукавибаага’нд̇и, зваруубам̣ д̇з, раахула, гааязна гаммам̣ гаран̣ийяам̣.
109. ‘‘Taṃ kiṃ maññasi, rāhula, kimatthiyo ādāso’’ti? ‘‘Paccavekkhaṇattho, bhante’’ti. ‘‘Evameva kho, rāhula, paccavekkhitvā paccavekkhitvā kāyena kammaṃ kattabbaṃ, paccavekkhitvā paccavekkhitvā vācāya kammaṃ kattabbaṃ, paccavekkhitvā paccavekkhitvā manasā kammaṃ kattabbaṃ. Yadeva tvaṃ, rāhula, kāyena kammaṃ kattukāmo ahosi, tadeva te kāyakammaṃ paccavekkhitabbaṃ – ‘yaṃ nu kho ahaṃ idaṃ kāyena kammaṃ kattukāmo idaṃ me kāyakammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ kāyakammaṃ dukkhudrayaṃ 5 dukkhavipāka’nti? Sace tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ kattukāmo idaṃ me kāyakammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ kāyakammaṃ dukkhudrayaṃ dukkhavipāka’nti, evarūpaṃ te, rāhula, kāyena kammaṃ sasakkaṃ na karaṇīyaṃ 6. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ kattukāmo idaṃ me kāyakammaṃ nevattabyābādhāyapi saṃvatteyya, na parabyābādhāyapi saṃvatteyya, na ubhayabyābādhāyapi saṃvatteyya – kusalaṃ idaṃ kāyakammaṃ sukhudrayaṃ sukhavipāka’nti, evarūpaṃ te, rāhula, kāyena kammaṃ karaṇīyaṃ.
‘‘гаронд̇знаби д̇з, раахула, гааязна гаммам̣ д̇ад̣̇зва д̇з гааяагаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ гааязна гаммам̣ гароми ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ гааяагаммам̣ д̣̇угкуд̣̇раяам̣ д̣̇угкавибаага’нд̇и? сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ гароми ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ гааяагаммам̣ д̣̇угкуд̣̇раяам̣ д̣̇угкавибаага’нд̇и, бадисам̣харзяяааси д̇вам̣, раахула, зваруубам̣ гааяагаммам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ гароми ид̣̇ам̣ мз гааяагаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ гааяагаммам̣ сукуд̣̇раяам̣ сукавибаага’нд̇и, анубад̣̇аж̇ж̇зяяааси д̇вам̣, раахула, зваруубам̣ гааяагаммам̣.
‘‘Karontenapi te, rāhula, kāyena kammaṃ tadeva te kāyakammaṃ paccavekkhitabbaṃ – ‘yaṃ nu kho ahaṃ idaṃ kāyena kammaṃ karomi idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ kāyakammaṃ dukkhudrayaṃ dukkhavipāka’nti? Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ karomi idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ kāyakammaṃ dukkhudrayaṃ dukkhavipāka’nti, paṭisaṃhareyyāsi tvaṃ, rāhula, evarūpaṃ kāyakammaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ karomi idaṃ me kāyakammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ kāyakammaṃ sukhudrayaṃ sukhavipāka’nti, anupadajjeyyāsi tvaṃ, rāhula, evarūpaṃ kāyakammaṃ.
‘‘гад̇вааби д̇з, раахула, гааязна гаммам̣ д̇ад̣̇зва д̇з гааяагаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ гааязна гаммам̣ агаасим̣ ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇ад̇и 7, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ гааяагаммам̣ д̣̇угкуд̣̇раяам̣ д̣̇угкавибаага’нд̇и? сажз ко д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ агаасим̣, ид̣̇ам̣ мз гааяагаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ гааяагаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ д̇з, раахула, гааяагаммам̣ сад̇т̇ари ваа вин̃н̃уусу ваа саб̣рахмажаарийсу д̣̇зсзд̇аб̣б̣ам̣, виварид̇аб̣б̣ам̣, уд̇д̇аанийгаад̇аб̣б̣ам̣; д̣̇зсзд̇ваа виварид̇ваа уд̇д̇аанийгад̇ваа ааяад̇им̣ сам̣варам̣ аабаж̇ж̇ид̇аб̣б̣ам̣ . сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ гааязна гаммам̣ агаасим̣ ид̣̇ам̣ мз гааяагаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ гааяагаммам̣ сукуд̣̇раяам̣ сукавибаага’нд̇и, д̇знзва д̇вам̣, раахула, бийд̇ибаамож̇ж̇зна вихарзяяааси ахорад̇д̇аанусигкий гусалзсу д̇хаммзсу.
‘‘Katvāpi te, rāhula, kāyena kammaṃ tadeva te kāyakammaṃ paccavekkhitabbaṃ – ‘yaṃ nu kho ahaṃ idaṃ kāyena kammaṃ akāsiṃ idaṃ me kāyakammaṃ attabyābādhāyapi saṃvattati 8, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ kāyakammaṃ dukkhudrayaṃ dukkhavipāka’nti? Sace kho tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ akāsiṃ, idaṃ me kāyakammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ kāyakammaṃ dukkhudrayaṃ dukkhavipāka’nti, evarūpaṃ te, rāhula, kāyakammaṃ satthari vā viññūsu vā sabrahmacārīsu desetabbaṃ, vivaritabbaṃ, uttānīkātabbaṃ; desetvā vivaritvā uttānīkatvā āyatiṃ saṃvaraṃ āpajjitabbaṃ . Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ kāyena kammaṃ akāsiṃ idaṃ me kāyakammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ kāyakammaṃ sukhudrayaṃ sukhavipāka’nti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.
110. ‘‘яад̣̇зва д̇вам̣, раахула, ваажааяа гаммам̣ гад̇д̇угаамо ахоси, д̇ад̣̇зва д̇з важийгаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ ваажааяа гаммам̣ гад̇д̇угаамо ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и? сажз д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ гад̇д̇угаамо ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ д̇з, раахула, ваажааяа гаммам̣ сасаггам̣ на гаран̣ийяам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ гад̇д̇угаамо ид̣̇ам̣ мз важийгаммам̣ нзвад̇д̇аб̣яааб̣аад̇хааяаби сам̣вад̇д̇зяяа, на бараб̣яааб̣аад̇хааяаби сам̣вад̇д̇зяяа – гусалам̣ ид̣̇ам̣ важийгаммам̣ сукуд̣̇раяам̣ сукавибаага’нд̇и, зваруубам̣ д̇з, раахула, ваажааяа гаммам̣ гаран̣ийяам̣.
110. ‘‘Yadeva tvaṃ, rāhula, vācāya kammaṃ kattukāmo ahosi, tadeva te vacīkammaṃ paccavekkhitabbaṃ – ‘yaṃ nu kho ahaṃ idaṃ vācāya kammaṃ kattukāmo idaṃ me vacīkammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ vacīkammaṃ dukkhudrayaṃ dukkhavipāka’nti? Sace tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ kattukāmo idaṃ me vacīkammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ vacīkammaṃ dukkhudrayaṃ dukkhavipāka’nti, evarūpaṃ te, rāhula, vācāya kammaṃ sasakkaṃ na karaṇīyaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ kattukāmo idaṃ me vacīkammaṃ nevattabyābādhāyapi saṃvatteyya, na parabyābādhāyapi saṃvatteyya – kusalaṃ idaṃ vacīkammaṃ sukhudrayaṃ sukhavipāka’nti, evarūpaṃ te, rāhula, vācāya kammaṃ karaṇīyaṃ.
‘‘гаронд̇знаби, раахула, ваажааяа гаммам̣ д̇ад̣̇зва д̇з важийгаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ ваажааяа гаммам̣ гароми ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и? сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ гароми ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и, бадисам̣харзяяааси д̇вам̣, раахула, зваруубам̣ важийгаммам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ гароми ид̣̇ам̣ мз важийгаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ важийгаммам̣ сукуд̣̇раяам̣ сукавибаага’нд̇и, анубад̣̇аж̇ж̇зяяааси, д̇вам̣ раахула, зваруубам̣ важийгаммам̣.
‘‘Karontenapi, rāhula, vācāya kammaṃ tadeva te vacīkammaṃ paccavekkhitabbaṃ – ‘yaṃ nu kho ahaṃ idaṃ vācāya kammaṃ karomi idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ vacīkammaṃ dukkhudrayaṃ dukkhavipāka’nti? Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ karomi idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ vacīkammaṃ dukkhudrayaṃ dukkhavipāka’nti, paṭisaṃhareyyāsi tvaṃ, rāhula, evarūpaṃ vacīkammaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ karomi idaṃ me vacīkammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ vacīkammaṃ sukhudrayaṃ sukhavipāka’nti, anupadajjeyyāsi, tvaṃ rāhula, evarūpaṃ vacīkammaṃ.
‘‘гад̇вааби д̇з, раахула, ваажааяа гаммам̣ д̇ад̣̇зва д̇з важийгаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ ваажааяа гаммам̣ агаасим̣ ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇ад̇и 9, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и? сажз ко д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ агаасим̣ ид̣̇ам̣ мз важийгаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ важийгаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ д̇з, раахула, важийгаммам̣ сад̇т̇ари ваа вин̃н̃уусу ваа саб̣рахмажаарийсу д̣̇зсзд̇аб̣б̣ам̣, виварид̇аб̣б̣ам̣, уд̇д̇аанийгад̇д̇аб̣б̣ам̣ ; д̣̇зсзд̇ваа виварид̇ваа уд̇д̇аанийгад̇ваа ааяад̇им̣ сам̣варам̣ аабаж̇ж̇ид̇аб̣б̣ам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ ваажааяа гаммам̣ агаасим̣ ид̣̇ам̣ мз важийгаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ важийгаммам̣ сукуд̣̇раяам̣ сукавибаага’нд̇и, д̇знзва д̇вам̣, раахула, бийд̇ибаамож̇ж̇зна вихарзяяааси ахорад̇д̇аанусигкий гусалзсу д̇хаммзсу.
‘‘Katvāpi te, rāhula, vācāya kammaṃ tadeva te vacīkammaṃ paccavekkhitabbaṃ – ‘yaṃ nu kho ahaṃ idaṃ vācāya kammaṃ akāsiṃ idaṃ me vacīkammaṃ attabyābādhāyapi saṃvattati 10, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ vacīkammaṃ dukkhudrayaṃ dukkhavipāka’nti? Sace kho tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ akāsiṃ idaṃ me vacīkammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ vacīkammaṃ dukkhudrayaṃ dukkhavipāka’nti, evarūpaṃ te, rāhula, vacīkammaṃ satthari vā viññūsu vā sabrahmacārīsu desetabbaṃ, vivaritabbaṃ, uttānīkattabbaṃ ; desetvā vivaritvā uttānīkatvā āyatiṃ saṃvaraṃ āpajjitabbaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ vācāya kammaṃ akāsiṃ idaṃ me vacīkammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ vacīkammaṃ sukhudrayaṃ sukhavipāka’nti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.
111. ‘‘яад̣̇зва д̇вам̣, раахула, манасаа гаммам̣ гад̇д̇угаамо ахоси, д̇ад̣̇зва д̇з маногаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ манасаа гаммам̣ гад̇д̇угаамо ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и? сажз д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ гад̇д̇угаамо ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇зяяа, бараб̣яааб̣аад̇хааяаби сам̣вад̇д̇зяяа, убхаяаб̣яааб̣аад̇хааяаби сам̣вад̇д̇зяяа – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ д̇з, раахула, манасаа гаммам̣ сасаггам̣ на гаран̣ийяам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ гад̇д̇угаамо ид̣̇ам̣ мз маногаммам̣ нзвад̇д̇аб̣яааб̣аад̇хааяаби сам̣вад̇д̇зяяа, на бараб̣яааб̣аад̇хааяаби сам̣вад̇д̇зяяа, на убхаяаб̣яааб̣аад̇хааяаби сам̣вад̇д̇зяяа – гусалам̣ ид̣̇ам̣ маногаммам̣ сукуд̣̇раяам̣ сукавибаага’нд̇и, зваруубам̣ д̇з, раахула, манасаа гаммам̣ гаран̣ийяам̣.
111. ‘‘Yadeva tvaṃ, rāhula, manasā kammaṃ kattukāmo ahosi, tadeva te manokammaṃ paccavekkhitabbaṃ – ‘yaṃ nu kho ahaṃ idaṃ manasā kammaṃ kattukāmo idaṃ me manokammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ manokammaṃ dukkhudrayaṃ dukkhavipāka’nti? Sace tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ kattukāmo idaṃ me manokammaṃ attabyābādhāyapi saṃvatteyya, parabyābādhāyapi saṃvatteyya, ubhayabyābādhāyapi saṃvatteyya – akusalaṃ idaṃ manokammaṃ dukkhudrayaṃ dukkhavipāka’nti, evarūpaṃ te, rāhula, manasā kammaṃ sasakkaṃ na karaṇīyaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ kattukāmo idaṃ me manokammaṃ nevattabyābādhāyapi saṃvatteyya, na parabyābādhāyapi saṃvatteyya, na ubhayabyābādhāyapi saṃvatteyya – kusalaṃ idaṃ manokammaṃ sukhudrayaṃ sukhavipāka’nti, evarūpaṃ te, rāhula, manasā kammaṃ karaṇīyaṃ.
‘‘гаронд̇знаби д̇з, раахула, манасаа гаммам̣ д̇ад̣̇зва д̇з маногаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ манасаа гаммам̣ гароми ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и? сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ гароми ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и, бадисам̣харзяяааси д̇вам̣, раахула, зваруубам̣ маногаммам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ гароми ид̣̇ам̣ мз маногаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ маногаммам̣ сукуд̣̇раяам̣ сукавибаага’нд̇и, анубад̣̇аж̇ж̇зяяааси д̇вам̣, раахула, зваруубам̣ маногаммам̣.
‘‘Karontenapi te, rāhula, manasā kammaṃ tadeva te manokammaṃ paccavekkhitabbaṃ – ‘yaṃ nu kho ahaṃ idaṃ manasā kammaṃ karomi idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ manokammaṃ dukkhudrayaṃ dukkhavipāka’nti? Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ karomi idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ manokammaṃ dukkhudrayaṃ dukkhavipāka’nti, paṭisaṃhareyyāsi tvaṃ, rāhula, evarūpaṃ manokammaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ karomi idaṃ me manokammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ manokammaṃ sukhudrayaṃ sukhavipāka’nti, anupadajjeyyāsi tvaṃ, rāhula, evarūpaṃ manokammaṃ.
‘‘гад̇вааби д̇з, раахула, манасаа гаммам̣ д̇ад̣̇зва д̇з маногаммам̣ бажжавзгкид̇аб̣б̣ам̣ – ‘яам̣ ну ко ахам̣ ид̣̇ам̣ манасаа гаммам̣ агаасим̣ ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇ад̇и 11, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и? сажз ко д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ агаасим̣ ид̣̇ам̣ мз маногаммам̣ ад̇д̇аб̣яааб̣аад̇хааяаби сам̣вад̇д̇ад̇и, бараб̣яааб̣аад̇хааяаби сам̣вад̇д̇ад̇и, убхаяаб̣яааб̣аад̇хааяаби сам̣вад̇д̇ад̇и – агусалам̣ ид̣̇ам̣ маногаммам̣ д̣̇угкуд̣̇раяам̣ д̣̇угкавибаага’нд̇и, зваруубам̣ бана 12 д̇з, раахула, маногаммам̣ 13 аддийяид̇аб̣б̣ам̣ харааяид̇аб̣б̣ам̣ ж̇иг̇ужчид̇аб̣б̣ам̣; аддийяид̇ваа харааяид̇ваа ж̇иг̇ужчид̇ваа ааяад̇им̣ сам̣варам̣ аабаж̇ж̇ид̇аб̣б̣ам̣. сажз бана д̇вам̣, раахула, бажжавзгкамаано звам̣ ж̇аанзяяааси – ‘яам̣ ко ахам̣ ид̣̇ам̣ манасаа гаммам̣ агаасим̣ ид̣̇ам̣ мз маногаммам̣ нзвад̇д̇аб̣яааб̣аад̇хааяаби сам̣вад̇д̇ад̇и, на бараб̣яааб̣аад̇хааяаби сам̣вад̇д̇ад̇и, на убхаяаб̣яааб̣аад̇хааяаби сам̣вад̇д̇ад̇и – гусалам̣ ид̣̇ам̣ маногаммам̣ сукуд̣̇раяам̣ сукавибаага’нд̇и, д̇знзва д̇вам̣, раахула, бийд̇ибаамож̇ж̇зна вихарзяяааси ахорад̇д̇аанусигкий гусалзсу д̇хаммзсу.
‘‘Katvāpi te, rāhula, manasā kammaṃ tadeva te manokammaṃ paccavekkhitabbaṃ – ‘yaṃ nu kho ahaṃ idaṃ manasā kammaṃ akāsiṃ idaṃ me manokammaṃ attabyābādhāyapi saṃvattati 14, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ manokammaṃ dukkhudrayaṃ dukkhavipāka’nti? Sace kho tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ akāsiṃ idaṃ me manokammaṃ attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati – akusalaṃ idaṃ manokammaṃ dukkhudrayaṃ dukkhavipāka’nti, evarūpaṃ pana 15 te, rāhula, manokammaṃ 16 aṭṭīyitabbaṃ harāyitabbaṃ jigucchitabbaṃ; aṭṭīyitvā harāyitvā jigucchitvā āyatiṃ saṃvaraṃ āpajjitabbaṃ. Sace pana tvaṃ, rāhula, paccavekkhamāno evaṃ jāneyyāsi – ‘yaṃ kho ahaṃ idaṃ manasā kammaṃ akāsiṃ idaṃ me manokammaṃ nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati – kusalaṃ idaṃ manokammaṃ sukhudrayaṃ sukhavipāka’nti, teneva tvaṃ, rāhula, pītipāmojjena vihareyyāsi ahorattānusikkhī kusalesu dhammesu.
112. ‘‘яз хи гзжи, раахула, ад̇ийд̇амад̣̇д̇хаанам̣ саман̣аа ваа б̣раахман̣аа ваа гааяагаммам̣ барисод̇хзсум̣, важийгаммам̣ барисод̇хзсум̣, маногаммам̣ барисод̇хзсум̣, саб̣б̣з д̇з звамзвам̣ бажжавзгкид̇ваа бажжавзгкид̇ваа гааяагаммам̣ барисод̇хзсум̣, бажжавзгкид̇ваа бажжавзгкид̇ваа важийгаммам̣ барисод̇хзсум̣, бажжавзгкид̇ваа бажжавзгкид̇ваа маногаммам̣ барисод̇хзсум̣. язби хи гзжи, раахула, анааг̇ад̇амад̣̇д̇хаанам̣ саман̣аа ваа б̣раахман̣аа ваа гааяагаммам̣ барисод̇хзссанд̇и, важийгаммам̣ барисод̇хзссанд̇и, маногаммам̣ барисод̇хзссанд̇и, саб̣б̣з д̇з звамзвам̣ бажжавзгкид̇ваа бажжавзгкид̇ваа гааяагаммам̣ барисод̇хзссанд̇и, бажжавзгкид̇ваа бажжавзгкид̇ваа важийгаммам̣ барисод̇хзссанд̇и , бажжавзгкид̇ваа бажжавзгкид̇ваа маногаммам̣ барисод̇хзссанд̇и. язби хи гзжи, раахула, зд̇арахи саман̣аа ваа б̣раахман̣аа ваа гааяагаммам̣ барисод̇хзнд̇и, важийгаммам̣ барисод̇хзнд̇и, маногаммам̣ барисод̇хзнд̇и, саб̣б̣з д̇з звамзвам̣ бажжавзгкид̇ваа бажжавзгкид̇ваа гааяагаммам̣ барисод̇хзнд̇и, бажжавзгкид̇ваа бажжавзгкид̇ваа важийгаммам̣ барисод̇хзнд̇и, бажжавзгкид̇ваа бажжавзгкид̇ваа маногаммам̣ барисод̇хзнд̇и. д̇асмаад̇иха, раахула, ‘бажжавзгкид̇ваа бажжавзгкид̇ваа гааяагаммам̣ барисод̇хзссаами, бажжавзгкид̇ваа бажжавзгкид̇ваа важийгаммам̣ барисод̇хзссаами, бажжавзгкид̇ваа бажжавзгкид̇ваа маногаммам̣ барисод̇хзссаамий’д̇и – зван̃хи д̇з, раахула, сигкид̇аб̣б̣а’’нд̇и.
112. ‘‘Ye hi keci, rāhula, atītamaddhānaṃ samaṇā vā brāhmaṇā vā kāyakammaṃ parisodhesuṃ, vacīkammaṃ parisodhesuṃ, manokammaṃ parisodhesuṃ, sabbe te evamevaṃ paccavekkhitvā paccavekkhitvā kāyakammaṃ parisodhesuṃ, paccavekkhitvā paccavekkhitvā vacīkammaṃ parisodhesuṃ, paccavekkhitvā paccavekkhitvā manokammaṃ parisodhesuṃ. Yepi hi keci, rāhula, anāgatamaddhānaṃ samaṇā vā brāhmaṇā vā kāyakammaṃ parisodhessanti, vacīkammaṃ parisodhessanti, manokammaṃ parisodhessanti, sabbe te evamevaṃ paccavekkhitvā paccavekkhitvā kāyakammaṃ parisodhessanti, paccavekkhitvā paccavekkhitvā vacīkammaṃ parisodhessanti , paccavekkhitvā paccavekkhitvā manokammaṃ parisodhessanti. Yepi hi keci, rāhula, etarahi samaṇā vā brāhmaṇā vā kāyakammaṃ parisodhenti, vacīkammaṃ parisodhenti, manokammaṃ parisodhenti, sabbe te evamevaṃ paccavekkhitvā paccavekkhitvā kāyakammaṃ parisodhenti, paccavekkhitvā paccavekkhitvā vacīkammaṃ parisodhenti, paccavekkhitvā paccavekkhitvā manokammaṃ parisodhenti. Tasmātiha, rāhula, ‘paccavekkhitvā paccavekkhitvā kāyakammaṃ parisodhessāmi, paccavekkhitvā paccavekkhitvā vacīkammaṃ parisodhessāmi, paccavekkhitvā paccavekkhitvā manokammaṃ parisodhessāmī’ti – evañhi te, rāhula, sikkhitabba’’nti.
ид̣̇амавожа бхаг̇аваа. ад̇д̇амано ааяасмаа раахуло бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā rāhulo bhagavato bhāsitaṃ abhinandīti.
амб̣аладтигараахуловаад̣̇асуд̇д̇ам̣ нидтид̇ам̣ батамам̣.
Ambalaṭṭhikarāhulovādasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. амб̣аладтигараахуловаад̣̇асуд̇д̇аван̣н̣анаа • 1. Ambalaṭṭhikarāhulovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. амб̣аладтигараахуловаад̣̇асуд̇д̇аван̣н̣анаа • 1. Ambalaṭṭhikarāhulovādasuttavaṇṇanā
