| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
११. अकुसलवितक्कसुत्तं
11. Akusalavitakkasuttaṃ
२३१. एकं समयं अञ्ञतरो भिक्खु कोसलेसु विहरति अञ्ञतरस्मिं वनसण्डे। तेन खो पन समयेन सो भिक्खु दिवाविहारगतो पापके अकुसले वितक्के वितक्केति, सेय्यथिदं – कामवितक्कं, ब्यापादवितक्कं, विहिंसावितक्कं। अथ खो या तस्मिं वनसण्डे अधिवत्था देवता तस्स भिक्खुनो अनुकम्पिका अत्थकामा तं भिक्खुं संवेजेतुकामा येन सो भिक्खु तेनुपसङ्कमि; उपसङ्कमित्वा तं भिक्खुं गाथाहि अज्झभासि –
231. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu divāvihāragato pāpake akusale vitakke vitakketi, seyyathidaṃ – kāmavitakkaṃ, byāpādavitakkaṃ, vihiṃsāvitakkaṃ. Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami; upasaṅkamitvā taṃ bhikkhuṃ gāthāhi ajjhabhāsi –
‘‘अयोनिसो मनसिकारा, सो वितक्केहि खज्जसि।
‘‘Ayoniso manasikārā, so vitakkehi khajjasi;
‘‘सत्थारं धम्ममारब्भ, सङ्घं सीलानि अत्तनो।
‘‘Satthāraṃ dhammamārabbha, saṅghaṃ sīlāni attano;
अधिगच्छसि पामोज्जं, पीतिसुखमसंसयं।
Adhigacchasi pāmojjaṃ, pītisukhamasaṃsayaṃ;
ततो पामोज्जबहुलो, दुक्खस्सन्तं करिस्ससी’’ति॥
Tato pāmojjabahulo, dukkhassantaṃ karissasī’’ti.
अथ खो सो भिक्खु ताय देवताय संवेजितो संवेगमापादीति।
Atha kho so bhikkhu tāya devatāya saṃvejito saṃvegamāpādīti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ११. अकुसलवितक्कसुत्तवण्णना • 11. Akusalavitakkasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ११. अकुसलवितक्कसुत्तवण्णना • 11. Akusalavitakkasuttavaṇṇanā
