| Library / Tipiṭaka / តិបិដក • Tipiṭaka / ឧទានបាឡិ • Udānapāḷi |
៧. អជកលាបកសុត្តំ
7. Ajakalāpakasuttaṃ
៧. ឯវំ មេ សុតំ – ឯកំ សមយំ ភគវា បាវាយំ 1 វិហរតិ អជកលាបកេ ចេតិយេ, អជកលាបកស្ស យក្ខស្ស ភវនេ។ តេន ខោ បន សមយេន ភគវា រត្តន្ធការតិមិសាយំ អព្ភោកាសេ និសិន្នោ ហោតិ; ទេវោ ច ឯកមេកំ ផុសាយតិ។ អថ ខោ អជកលាបកោ យក្ខោ ភគវតោ ភយំ ឆម្ភិតត្តំ លោមហំសំ ឧប្បាទេតុកាមោ យេន ភគវា តេនុបសង្កមិ; ឧបសង្កមិត្វា ភគវតោ អវិទូរេ តិក្ខត្តុំ ‘‘អក្កុលោ បក្កុលោ’’តិ អក្កុលបក្កុលិកំ អកាសិ – ‘‘ឯសោ តេ, សមណ, បិសាចោ’’តិ។
7. Evaṃ me sutaṃ – ekaṃ samayaṃ bhagavā pāvāyaṃ 2 viharati ajakalāpake cetiye, ajakalāpakassa yakkhassa bhavane. Tena kho pana samayena bhagavā rattandhakāratimisāyaṃ abbhokāse nisinno hoti; devo ca ekamekaṃ phusāyati. Atha kho ajakalāpako yakkho bhagavato bhayaṃ chambhitattaṃ lomahaṃsaṃ uppādetukāmo yena bhagavā tenupasaṅkami; upasaṅkamitvā bhagavato avidūre tikkhattuṃ ‘‘akkulo pakkulo’’ti akkulapakkulikaṃ akāsi – ‘‘eso te, samaṇa, pisāco’’ti.
អថ ខោ ភគវា ឯតមត្ថំ វិទិត្វា តាយំ វេលាយំ ឥមំ ឧទានំ ឧទានេសិ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘យទា សកេសុ ធម្មេសុ, បារគូ ហោតិ ព្រាហ្មណោ;
‘‘Yadā sakesu dhammesu, pāragū hoti brāhmaṇo;
អថ ឯតំ បិសាចញ្ច, បក្កុលញ្ចាតិវត្តតី’’តិ។ សត្តមំ;
Atha etaṃ pisācañca, pakkulañcātivattatī’’ti. sattamaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឧទាន-អដ្ឋកថា • Udāna-aṭṭhakathā / ៧. អជកលាបកសុត្តវណ្ណនា • 7. Ajakalāpakasuttavaṇṇanā
