| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
3. ад̇хибад̇ибажжаяанид̣̇д̣̇зсаван̣н̣анаа
3. Adhipatipaccayaniddesavaṇṇanā
3. д̇хуранд̇и д̇хураг̇г̇аахам̣. ж̇здтаганд̇и сздтам̣. чанд̣̇аад̇хибад̇и чанд̣̇асамбаяуд̇д̇агаананд̇и зд̇т̇а буримачанд̣̇асса самаанаруубзна д̇ад̣̇ананд̇арам̣ нид̣̇д̣̇идтзна д̇ам̣самб̣анд̇хзна чанд̣̇асад̣̇д̣̇знзва бажжаяабхууд̇асса чанд̣̇асса самбаяуд̇д̇агависзсанабхааво д̣̇ассид̇о ход̇ийд̇и ‘‘чанд̣̇аад̇хибад̇и самбаяуд̇д̇агаана’’нд̇и авад̇ваа ‘‘чанд̣̇асамбаяуд̇д̇агаана’’нд̇и вуд̇д̇анд̇и д̣̇адтаб̣б̣ам̣. зса наяо ид̇арзсуби.
3. Dhuranti dhuraggāhaṃ. Jeṭṭhakanti seṭṭhaṃ. Chandādhipati chandasampayuttakānanti ettha purimachandassa samānarūpena tadanantaraṃ niddiṭṭhena taṃsambandhena chandasaddeneva paccayabhūtassa chandassa sampayuttakavisesanabhāvo dassito hotīti ‘‘chandādhipati sampayuttakāna’’nti avatvā ‘‘chandasampayuttakāna’’nti vuttanti daṭṭhabbaṃ. Esa nayo itaresupi.
г̇аругааражид̇д̇ийгааравасзна ваад̇и гусалааб̣яаагад̇аанам̣ бавад̇д̇им̣ д̣̇ассзд̇и. алад̣̇д̇хам̣ лад̣̇д̇хаб̣б̣ам̣, лад̣̇д̇хам̣ авиж̇ахид̇аб̣б̣ам̣. язна ваа винаа на бхавид̇аб̣б̣ам̣, д̇ам̣ лад̣̇д̇хаб̣б̣ам̣, д̇ассзвад̇т̇о авиж̇ахид̇аб̣б̣анд̇и. анаван̃н̃аад̇анд̇и аван̃н̃аад̇амби ад̣̇осад̣̇ассид̇ааяа ассаад̣̇анзна анаван̃н̃аад̇ам̣ гад̇ваа.
Garukāracittīkāravasena vāti kusalābyākatānaṃ pavattiṃ dasseti. Aladdhaṃ laddhabbaṃ, laddhaṃ avijahitabbaṃ. Yena vā vinā na bhavitabbaṃ, taṃ laddhabbaṃ, tassevattho avijahitabbanti. Anavaññātanti avaññātampi adosadassitāya assādanena anavaññātaṃ katvā.
мижчад̇д̇анияад̇аа аббанаасад̣̇исаа махааб̣алаа винаа ад̇хибад̇инаа нуббаж̇ж̇анд̇ийд̇и ‘‘зганд̇знзваа’’д̇и ааха. гаммагилзсааваран̣абхууд̇аа жа д̇з саг̇г̇ааваран̣аа жа маг̇г̇ааваран̣аа жа бажжагкасаг̇г̇аанам̣ гаамааважарад̣̇зваанамби уббаж̇ж̇ид̇ум̣ на араханд̇и, го бана ваад̣̇о руубааруубийнанд̇и.
Micchattaniyatā appanāsadisā mahābalā vinā adhipatinā nuppajjantīti ‘‘ekantenevā’’ti āha. Kammakilesāvaraṇabhūtā ca te saggāvaraṇā ca maggāvaraṇā ca paccakkhasaggānaṃ kāmāvacaradevānampi uppajjituṃ na arahanti, ko pana vādo rūpārūpīnanti.
гаамааважараад̣̇ибхзд̣̇ад̇о бана д̇ивид̇хо гирияаарамман̣аад̇хибад̇и лобхасахаг̇ад̇аагусалассзва аарамман̣аад̇хибад̇ибажжаяо ход̇ийд̇и ид̣̇ам̣ барасанд̇аанаг̇ад̇аанам̣ саарамман̣ад̇хаммаанам̣ ‘‘аж̇жхад̇д̇аарамман̣о д̇хаммо б̣ахид̣̇д̇хаарамман̣асса д̇хаммасса ад̇хибад̇ибажжаязна бажжаяо’’д̇и зд̇асса абхаавад̇о ‘‘б̣ахид̣̇д̇хаарамман̣о д̇хаммо б̣ахид̣̇д̇хаарамман̣ассаа’’д̇и зд̇т̇а жа аарамман̣аад̇хибад̇ино ануд̣̇д̇хадад̇д̇аа ад̇хибад̇ибажжаяад̇аа над̇т̇ийд̇и вин̃н̃ааяамаанзби ‘‘б̣ахид̣̇д̇хаа канд̇хз г̇арум̣ гад̇ваа ассаад̣̇зд̇ий’’д̇иаад̣̇иважанам̣ (бадтаа. 2.20.31) ниссааяа арахад̇о гирияад̇хаммаа бут̇уж̇ж̇анаад̣̇ийхи г̇арум̣ гад̇ваа ассаад̣̇ияанд̇ийд̇и иминаа ад̇хиббааязна вуд̇д̇анд̇и д̣̇адтаб̣б̣ам̣. ‘‘санид̣̇ассанасаббадигхаа канд̇хаа’’д̇иаад̣̇ийсу (бадтаа. 2.22.30) вияа канд̇хасад̣̇д̣̇о руубз зва бхавид̇ум̣ арахад̇ийд̇и вижаарид̇амзд̇ам̣. бут̇уж̇ж̇анаад̣̇игаалз ваа анааг̇ад̇з гирияад̇хаммз г̇арум̣ гад̇ваа ассаад̣̇анам̣ санд̇хааязд̇ам̣ вуд̇д̇ам̣. ‘‘нзвавибааганавибаагад̇хаммад̇хаммз канд̇хз г̇арум̣ гад̇ваа ассаад̣̇зд̇и абхинанд̣̇ад̇ий’’д̇иаад̣̇иважанад̇о (бадтаа. 1.3.96) гирияад̇хаммаа рааг̇ад̣̇идтийнам̣ ад̇хибад̇ибажжаяо хонд̇зва, д̇з жа ‘‘ад̇ийд̇аарамман̣з анааг̇ад̇з канд̇хз г̇арум̣ гад̇ваа ассаад̣̇зд̇ий’’д̇иаад̣̇иважанад̇о (бадтаа. 2.19.23) анааг̇ад̇аа д̇збхуумагааби ад̇хибад̇ибажжаяо хонд̇ийд̇и. ааваж̇ж̇анагирияасаб̣бхаавад̇о бана ид̣̇амби вижаарзд̇аб̣б̣ам̣.
Kāmāvacarādibhedato pana tividho kiriyārammaṇādhipati lobhasahagatākusalasseva ārammaṇādhipatipaccayo hotīti idaṃ parasantānagatānaṃ sārammaṇadhammānaṃ ‘‘ajjhattārammaṇo dhammo bahiddhārammaṇassa dhammassa adhipatipaccayena paccayo’’ti etassa abhāvato ‘‘bahiddhārammaṇo dhammo bahiddhārammaṇassā’’ti ettha ca ārammaṇādhipatino anuddhaṭattā adhipatipaccayatā natthīti viññāyamānepi ‘‘bahiddhā khandhe garuṃ katvā assādetī’’tiādivacanaṃ (paṭṭhā. 2.20.31) nissāya arahato kiriyadhammā puthujjanādīhi garuṃ katvā assādiyantīti iminā adhippāyena vuttanti daṭṭhabbaṃ. ‘‘Sanidassanasappaṭighā khandhā’’tiādīsu (paṭṭhā. 2.22.30) viya khandhasaddo rūpe eva bhavituṃ arahatīti vicāritametaṃ. Puthujjanādikāle vā anāgate kiriyadhamme garuṃ katvā assādanaṃ sandhāyetaṃ vuttaṃ. ‘‘Nevavipākanavipākadhammadhamme khandhe garuṃ katvā assādeti abhinandatī’’tiādivacanato (paṭṭhā. 1.3.96) kiriyadhammā rāgadiṭṭhīnaṃ adhipatipaccayo honteva, te ca ‘‘atītārammaṇe anāgate khandhe garuṃ katvā assādetī’’tiādivacanato (paṭṭhā. 2.19.23) anāgatā tebhūmakāpi adhipatipaccayo hontīti. Āvajjanakiriyasabbhāvato pana idampi vicāretabbaṃ.
ад̇хибад̇ибажжаяанид̣̇д̣̇зсаван̣н̣анаа нидтид̇аа.
Adhipatipaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. ад̇хибад̇ибажжаяанид̣̇д̣̇зсаван̣н̣анаа • 3. Adhipatipaccayaniddesavaṇṇanā
